Bir hasîrüm yoğ iken külbe-i ahzânumda
Bûriyâ nakşı görinür ten-i üryânumda
Sâyemi ben başuma ben gün doğacağın bilürin
Başa ol gün mi doğar sâye görem yanumda
Merdüm-i dîde ciger gûşelerini néce bir
Götürem kendü yetîmüm gibi dâmânumda
Yédügüm ayru géderken seg-i kûyuñla benüm
Görmedüm nân u nemek hakkını yârânumda
Baña ol nâme-i amâl yeter ÂHÎ kim
Yâr hattıyla ğazeller ola dîvânumda
Ahi
Şiir birbirine benzemeyendir
