Kim demiş kim nâ-revâdır intihâr
Hastaya en son devâdır intihâr
Kâkülünden bahs uzundur, kıl sükût
Bir müselsel mâcerâdır intihâr
Biz esaret ‘âleminde mihveriz
Devrimizde muktezâdır intihâr
Nâ-ümidîz hâl ü istikbâlden
Fikrimizde dâ’imâdır intihâr
Biz ki İslâmız sabûruz kim umar
Bizden olmak hîç sâdır intihâr
*
Nâdimim geldiğime çâre ne lâkin Âsaf
Atılan ok geri dönmez diyerek kıl zârı
*
Bir dâm-ı emeldir bu cihân vâr olana
Tebrîk ederim bundan ucuz kurtulana
Düştümse bu mâsivâya ben ma’zûrum
Deryâya düşenler sarılırmış yılana
*
Eyçarh-ı denî hüsn-i medârın yok mu
Bir burç-ı sa’âdetde karârın yok mu
Bunlar yoğ imiş farz edelim ‘âlemde
Ey nefs-i gârib intihârın yok mu
*
Çökdürü dîvârı nem insanı gam
Her vücûdun bir husûsî zehri var
Âsaf
(Damat Mahmut Celâlettin Paşa)
